قدم عدد من الفنانين والاعلاميين والممثلين الكلمة الاخيرة بوداع شحرورة لبنان الصبوحة.
موقع الفن رصد بعض ما قاله اهل الفن والاعلام:
راغب علامة: "بعد نصري وعاصي ومنصور وزكي ووديع حان الان موعدك مع الرحيل كبارنا يرحلون ارزاتنا يتناقصون وداعاً يا شحرورتنا. وداعاً يا حبيبتنا.رحمك الله".
عاصي الحلاني: "صباح يا حبيبة الكل رح يبقى صوتك معنا مرافقنا رغم البعد يا شحرورة رح تبقي بقلوبنا بيقولوا النجوم ما بتموت بتغيب وبترجع تتسهرالعشاق تحت الشتي".
وليد توفيق: "شحرورة الوادي تغادرنا...شكراً لما تركت لنا من إرث فني عظيم جعل الله مثواك…
نانسي عجرم: "اليوم خسر لبنان أسطورة، رحلت صباح ولكنها باقية في قلوبنا... ستخلد صباح بفنها و ستبقى ذكراها في عقول وقلوب الملايين... اتقدم باحر التعازي لعائلتها و أصدقائها و للبنان ، صبوحة نفسك بالسما...
زين العمر: "رحلت حلوة لبنان وبكت السماء عاصفة على خسارة اسطورة ستبقى مشرقة في كل صباحاتنا .صبوحتنا بنحبك يا أرزة من أرزات لبنان".
مروان خوري: "الموت...حياة للكبار !! وداعاً يا حلوة لبنان !!!
نادين الراسي: "صباح خجول، الدني عم تبكي . الأرزات محنيّة عم بتودّع أحلى أرزة ..صباح يا حبيبة الكلّ بغضب الدني و دموع الأحبّا عم منودّعك اليوم .. الله يرحمك".
كارول سماحة: "عشت أحاسيسها، أفراحها وأحزانها.. واليوم رحلت تاركة اثرها في مكان عميق في حياتي. وداعاً صبوحتي، وشحرورة لبنان..
مازن معضم: "يا شحرورة الوادي يا اسطورة وارزة وصخرة وجبل من بلادي غبت جسد بس اسمك وفنك وصوتك رح يبقوا معنا ومع الاجيال الجايي".
ناجي اسطا :"صباح لبنان العاصف يبكي على الشحرورة".
سعيد الماروق: "رحلت أسطورة لبنان الشحرورة صباح الله يرحمك".
سليم سلامة: "الوطن عم يبكي حزنان و السما عتّم نورا بسني وحده خسر لبنان بو فادي و الشحروره".
طارق سويد: "هيك رح تبقى صورتك بذاكرتي..متل هالصورة...هيدي صورتك " ضحكة - تواضع - فرح...
بيتر سمعان: "ياضيعان قلبك،ياضيعان عمرك.عميتروحوا متل الطيور،عمبتهاجروا عالضو لكبير.الساعات وقفت ،الشحرور غص. والعسل صار بلا لون...الله معك يا صباح ارتاحي".
رابعة الزيات: "كنت كلما شعرت بالضيق أو الحزن أتذكر الضحكة التي علمتني حب الحياة ، ستبقى ضحكتك دليلنا الى الأمل".
رولا حمادة: "راحت الصبوحة ، لملمت صوتها بهالعاصفة وراحت تزرع فرح بمطارح تانية".
رامي عياش: "بحزن كبير تلقيت خبر وفاة الحبيبة العظيمة صباح ..تعازينا الحارة للبنان ولكل أفراد عائلتها الكريمة..الله يرحمها مثواها الجنة ان شاء الله"
نيشان: "تَيَتَّمَ الوادي شَحرُورَتُهُ سَكَتَت شمس الشُّموس غَابَت صباح الخير رَحَلَت.... وفاة السيّدة صباح".
فارس اسكندر: "الله معِك يا أرزة بلادي منعتذر يا شحرورة الوادي قولي لشعب الما في عندو كبير مش يوم موتي اليوم ... ميلادي".
أحلام: "وداعا جميلة لبنان.. العوض بسلامتكم يا أهل لبنان .. ورحلت صباح".
كارمن لبس: "شو بتمنى يكون خبر رحيل الصبوحة كذبة متل كل مرة... بس للاسف ليوم لبنان خسرها عنجد... صباح اسطورة لبنان الله يرحمك".
هلا المر: "وداعاً يا شمس الشموس ويا اسطورة هالعالم، يا رمز الحياة والحب والجمال".
أندريه داغر: "كنت دايما انشر تكذيب خبر وفاة صباح، واليوم كنت بتمنى اعمل نفس الشي، بس اليوم لاول مرة بتشرق الشمس بغياب صباح وبيطلع صباحنا بلا صباح،،الله يرحمك".
جوزيف بو جابر :"قنديلي إنطفى بالليل..مسافرة ع جناح الطير تذكروني بغيابي".
سارة الهاني: "الوداع يا صباح الفن".
ريما كركي: حبيبتي سيدة الصدق والجرأة اسطورة الحب والحياة ... نحبك... اكثر من كثيرا !
كارلا حداد: "الله يرحم شحرورتنا الصبوحه و تكون نفسها بالسما".
نادين نسيب نجيم: "كنت عطول صباح حتى لما رحلتي عنا إخترت الصباح وطول عمرك وجك وضحكتك منورة متل الصباح المشرق وعينا وكبرنا على فنك وصوتك".
كارين سلامة: "في ناس ما بتكرر. ..الله يرحمك يا صباح لبنان".
إيميه صياح: "بأي حال طلعت علينا يا صباح... أكيد نفسك بالسما صبوحة.. على قد ما نشرت فرح حواليك..
سيرين عبد النور: "الله يرحمك يا اسطورة من لبنان".
وسام حنا: "كيف لي ان أودع أسطورة صَعُبَ على التاريخ ان يُصدقها. هي الشحرورة التي غردت الدنيا و شغلت الناس".
